25/10-31/10突然變成極忙的一星期
要預備一篇信息, 二個查經內容, 二個敬拜, 一項會計查數, 一份宣教文件, 一個CAMP, 二個會議
忙到痴左..... 係咁用腦, 頭痛到爆, 個腦去到夜晚會自動Hang左...
感謝神俾我可以有野忙, 若唔係一星期內要做咁多就更好啦~ ^^
結果延遲了一次查經, 宣教文件做唔切, 第二個查經唔夠人要改下次..... OH....
下次要更早預備! ^^

個MAT Camp真係好正! 雖然收到一個令我極擔心既電話,
但最終都知道自己做唔到d咩, 只能放開懷抱盡情投入camp內
實在好好哦, 可以認識一班同路人, 真係唔容易!
所有games都好簡單, 但玩得又開心, 又盡, 又好笑, 連幫人補祝生日都咁好笑
真係好難忘! 好值!

講道內容我相信很好, 只是表達上仍有很多要進步的地方
根基立在磐石上, 除了要確認磐石是誰, 還要努力打樁, 遇上風浪才不致動搖!
生活中每個細微的事上也會有動搖的機會,
不要做一個左搖右擺的人! 更不要在錯誤的地方建立根基!

大專組開組很好笑, 有音樂係咪真的開心D?? 哈哈~
成班無良心, 打扁你地! 哼~
好掛住jojo呀.... 去左邊.....
Joyce教琴, 好快會見到佢既徒弟出山~ 正!
我都要努力教徒弟先得~ XDD
慧敏成個月都返唔到dawn.... 實掛死佢lu......

need組我錯過了某人的簽紙儀式... 太可惜啦~ hahahah~~~~~
唔知幾時先可以齊人番d呢?
大家都忙工作忙讀書... 有時真的唔明白, 不過唔明白只因我唔夠體貼大家需要
諗深一層就明, 在hk要生存一d都唔容易, 唔努力為自己打算就會好易被fade out
但作為一個真正跟耶穌的人, 可以點衡量工作與信仰?
真的要被工作主導自己一生嗎?
真的無得揀嗎?
真的除此以外, 別無選擇?!
我唔信! 不過我知無乜人會認同我! 覺得我太天真, 唔明白佢, 唔知世界難撈!
算吧, 大家價值觀唔同, 對我黎講, 搵到自己想做岩做又有意義既事,
比搵到好多錢但要付出大部份時間既工作重要! 工作不是我人生的全部!
即使響教會做同工亦不只是一項工作! no! 係異象! 係呼召! 係我鍾意既事!
人生只得短短幾十年, 過左就無!
為唔會永恆既事而勞苦, 倒不如找尋真正永恆既事!
我相信「我需用的這一切東西，我的天父是知道的」
「不要為明天憂慮，因為明天自有明天的憂慮；一天的難處一天當就夠了」

「別人笑我太瘋癲, 我笑他人看不穿!」

要寫卻沒有很多事寫, 還是記下每天的感恩事較好

19/10
與舊大專組一起食飯慶祝亞道&嘉鴻生日, 很開心
感恩數年後大家相聚仍是笑個不停
朋友堆中總有爛GAG王, 讓大家開懷大笑
拍拖既拍拖, 結婚既結婚, 單身既單身

20/10
約了一位青年人食飯, 傾下計, 笑下, 分享下
很舒服, 很享受, 發現多了他的優點, 越來越欣賞他~

夜晚去了一個家庭食飯, 很特別的家
很安靜, 不多言, 但內裡穩藏了問題
感謝神讓我有機會認識他們一家多些, 看到愛原來不是必然的
愛真的要努力經營, 並要不斷學習&付出
愛的果子才會產生.
那刻, 我為我有一個滿有愛的家感謝神!

收到一個電話, 聽到一些消息, 既感恩又難過
感恩在我不用再擔心.
難過在我到現在仍沒能力與那人好好溝通, 使大家關係更好
唯一感恩是我們經歷深厚, 彼此明白
明白歸明白, 愛始終是根基
有了愛, 就要學如何表達
即使我以為自己很願意表達, 但仍有表達不到的時候
也有很理性的表達, 叫人誤會我的意思的時候
期待有日我能學得更好~ ^^

21/10
平淡的一天, 夜晚總不願睡覺, 無聊到2點才睡, 實在很累
今日配眼鏡, 去了一間大家都覺得服務態度好好的鋪頭
開頭都沒有什麼特別, 但一邊揀框, 職員一邊講解,
我帶了很多個框, 他都保持好態度, 還跟我研究那個款帶得好睇
之後那驗眼師更好笑, 幽默又搞笑, 但又真的驗得好仔細哦!
最後那職員幫我量弧度時, 將筆放在面上叫我望實
他的樣子實在太好笑, 我忍唔住大笑, 令他尷尬.. 實在不好意思
但真的忍唔到! XDDD
真的好平哦! 眼鏡只需650, 還是配超薄鏡片, 抵!
CON轉了另一款, 也平了哦! 希望帶得舒服~ ^^

22/10
今日學英文, 很開心, 每次都很享受, 更感恩Marco很用心預備, 正!
下午開會, 跟其他青年牧者學習, 大家都服侍青年人, 正!
見到魚旦仔, 嘻, 當然要講聲生日快樂啦!
今年他的生日肯定開心了~
今日累到癲, 學完英文坐在超舒服大班椅睡了一個鐘, 爽!

媽媽終於成功叫到老爸去北京旅行,
預祝他們玩得開心! ^^

9月開始, 大家都有新改變~
返學, 返工, 學服侍, 搵目標, 拍拖, 想拍拖....
haha~

以為忙完暑假可以抖一抖, 都真係抖左既~
去左台灣, 同屋企人一齊行下食下, 好舒服~
返黎繼續精彩, 星期一到星期六都full晒~ yo~
10月應該好d啦~ (希望) :P
不過仍然係果句~
忙, 但好滿足~ ^^ 感謝主~

見到雪雪的xanga, 諗起昨晚去戀戀迷思課堂賣野見到的情況
已經係第三堂, 因為要賣野, 所以去坐下睇下
遇到好多熟悉面孔, 有單身去, 有拍拖去, 有準備結婚去, 有已婚去....
題目其實周生響教會已講過, 所以我唔參加囉~ 哈哈~

既然去到, 順便望下咩人會傾向單身~
有d我識既, 其實佢地真係好女仔, 可惜遇唔到合適既男仔~ 又或者佢自己教會無啦~
d男仔呢.... 嗯...... 哈..... 算吧....

如果話追唔到女仔係因為女仔要求太高, 搵唔到男友係因為男仔唔掂...
倒不如先裝備自己, 成為有質素既男/女!
唔一定係所謂高質素, 但最起碼係有質素!
思想, 對人既態度, 對自己既態度, 處事方法, 價值觀, 與神關係, 儀容/身段(唔係要好靚好fit, 但起碼要企理&健康), 一般禮儀.....
唔一定係乜士物士就=好醒好吸引, 無態度一樣係嚇親人!
你想吸引咩人, 自己先成為咩人!

ben爺爺講得好~ 一生自學!
不斷地自省, 學習愛, 學習對人態度, 學習新事物, 讓自己滿有創意, 吸引力由裡面散發出黎!
裝備自己成為好男仔, 好女仔!

一邊裝備自己, 一邊禱告等候
不要呆呆地等, 但要敏感神的帶領! 

與其隨意搵一個唔適合自己的人,
不如等候一個真正能一生一世的人!

神無應許每個人都能結婚, 但反正一日唔死, 一日都可以等!
怕咩等個最match! =)